Амбасада на Република Северна Македонија во Израел

Најнови вести

Османи на координативна средба со верските заедници за Пописот

Министерот за надворешни работи, Бујар Османи, оствари средба со предводниците на верските заедници во Република Северна Македонија на која се разговараше за текот и активностите на Пописот 2021 година, кој од 1-ви март започна да се спроведува за неколку категории на државјани на Република Северна Македонија, меѓу кои и за дијаспората. Средбата се одржа во Клуб на пратеници, а на неа присуствуваа и Директорот на државниот завод за статистика, Симевски, Директорот на Комисијата за верски заедници и религиозни групи, Сотировски и Директорот на Агенцијата за иселеништво, Близнаковски. „Ги повикав верските предводници на средба и запознав со процесот, да ги преставиме нашите активности, и секако, да замолам за поддршка, еден вид јавен повик од нивна страна, со цел уште поширока потемелна мобилизација на нашите граѓани во процесот на попишување. Верските заедници имаат развиена мрежа низ бројните центри во светот каде живеат нашите граѓани, како и истакнат авторитет меѓу нашата дијаспора, и нивниот придонес за успешност на овој процес го сметам за исклучително важен. Имавме продуктивен разговор, и на мое лично задоволство, сметам дека денес обезбедивме значајна поддршка која ќе придонесе за уште поширока информираност на нашата дијаспора“, истакна Османи. Во истата насока на средбата беше и Директорот на Агенцијата за иселеништво, како надлежна институција со широка мрежа на контакти што ги имаат со иселениците, со нивните здруженија и организации.  Нивното вклучување со активности и логистика насочена кон нашата дијаспора, би значела придонесе за успешност на овој процес. Османи на средбата зборуваше за важноста на вклучувањето на дијаспората, за нивното само-попишување, за масовноста во овој процес, што бо било во насока на давање подобра слика за дистрибуцијата на нашите граѓани во странство и во тој контекст, потенцираше: „Ќе добиеме слика за нивната комуникација со земјава како и за нивните потреби од услугите на државата; ќе добиеме слика за нивните амбиции, дали за останување во земјата каде се наоѓаат, или уште подобро, за потенцијалите или можностите да се вратат назад во земјава; ќе добиеме информација и за нивната квалитативна, демографска, образовна, социјална структура, сѐ се ова важни информации кои ќе ни помогнат како држава, како општество да ја засилиме комуникацијата и да креираме реални политики насочени кон дијаспората“. На крајот од средбата Османи нагласи дека овој процес не треба да биде ексклузивен, туку напротив, преку заедничка, инклузивна соработка каква што е оваа денеска, но и натаму низ текот на целиот процес, со вклучување на сите учесници во општествениот живот, за да се реализира целта, да имаме успешен попис.

Од понеделник стартува пописот, за прв пат се попишува и дијапората

Министерот за надворешни работи, Бујар Османи, денеска на заедничка Прес конференција со Директорот на Државниот завод за статистика, Апостол Симoвски ги претставија подготовките за старт на најважната статистичка операција за земјава- ПОПИСОТ 2021. Вчера свикав вонреден состанок со шефовите на сите Дипломатско конзуларни претставништва, каде издадов директни инструкции до целата дипломатска мрежа, целосно и со полн капацитет да се стави на располагање на пописните тимови и на целокупниот процес , со цел успешна реализација на пописот, за нашите вработени и за нашата дијаспора, истакна Османи. Во таа насока, зборувајќи за улогата што нашите Амбасади ќе ја имаат во текот на овој прoцес, Османи нагласи:Улогата на нашата дипломатска мрежа ќе биде да ги идентификува сите можни канали на комуникација, и преку засилени промотивна активност, да ги распространи информациите за овој процес до секој наш државјанин кој живее и работи во странство. Оваа активност, во следните 50 дена, ќе биде највисок приоритет на нашата дипломатска мрежа. Од аспект на фактот дека за прв пат се спроведува операција за попишување и на дијаспората, што претставува дополнителен предизвик но и обврска да имаме успешен процес, Османи потенцираше:Пописот е добар пример преку нашата проактивна улога да демонстрираме одговорност и посветеност кон дијаспората, која има важна улога во севкупните процеси на земјава. Ова е добра шанса да покажеме грижа за нашите граѓани во странство и да создадеме услови за трајна соработка, за брза комуникација и блискост, остварувајќи ја со тоа клучната цел – дијаспората да биде нераскинлив дел од земјава. Министерот Османи упатувајќи порака и до сите наши граѓани, без разлика дали се наоѓаат во земјава, дали се на привремена работа или студии надвор, или се дел од нашата дијаспора, истакна: Еден од главните елементи што е неопходен за успешни политики е токму реалната слика за бројноста на населението и неговата економска, образовна и социјална структура. Не постои друг начин за добивање на реална слика, освен преку пописот како статистичка операција која е предуслов за секоја организирана држава да може да го планира својот развој. Сакам да ве повикам активно да се вклучите во овој процес, да го искористите ова право и оваа граѓанска обврска, со цел да ги добиеме клучните податоци со кои ќе можеме соодветно да ги планираме нашите политики. Од 1 до 15 март, сите вработени во Дипломатско – конзуларните претставништва, вклучувајќи ги тука и нивните семејства, ќе можат да се само-попишат, или самостојно да се регистрираат, преку он-лајн апликацијата изготвена од Државниот завод за статистика, за што на веб страната на Министерството за надворешни работи веќе се поставени соодветни линкови. Попишувањето е лесно, едноставно и брзо, достапно на осум јазици, меѓу кои и македонски, албански и англиски, за што на Прес конференцијата беа презентирани посебни видео – туторијали, односно упатства, кои на едноставен и разбирлив начин ја опишуваат целата постапка. Во исто време, процесот започнува и за сите наши државјани кои се наоѓаат во странство, односно нашата дијаспора, кои во далеку подолг период, од 1 март се до 21 април, или во следните 50 дена, на ист начин, со едноставно пристапување до апликацијата, ќе можат да го остварат ова право и граѓанска обврска.  

Османи: Холокаустот –трагедија што не смее да се заборави

Министерот за надворешни работи на Република Северна Македонија, Бујар Османи, имаше обраќање на комеморативното одбележување по повод 27 јануари - Меѓународниот ден на сеќавање на холокаустот, ден на кој се сеќаваме и им оддаваме почит на преку шест милиони невини деца, жени и мажи, вклучувајќи ги 7.144 македонски Евреи, кои своите животи го загубија во Аушвиц – Биркенау, Треблинка и другите логори на смртта. ,,Наша цивилизациска обврска е да се бориме, постојано и бескомпромисно, претворајќи го сеќавањето во акција, против релативизација на злото, искривоколчувањето на историјата, негирањето на фактите и вистината за холокаустот. Да кажеме гласно и јасно НЕ! - за антисемитизмот, расизмот, ксенофобијата и другите облици на нетолеранција“, истакна Османи.Зборувајќи за важноста на холокаустот како една трагедија што не смее да се заборави, ниту пак да биде овој ден единствениот кога треба да се занимаваме со холокаустот, Османи нагласи: „Сите ние треба и заеднички и индивидуално да работиме на ширење на универзалните вредности, зајакнување на социјалната кохезија, инвестирање во образованието и младите, на развивање и подигнување на свеста за вредноста на постоењето и почитувањето на сите различности во едно плуралистичко општество.“ На комеморативното одбележување кое што се одржа во форма на онлине настан, свои обраќања имаа и претседателот на Собранието на Еврејската заедница во РС Македонија, г-ѓа  Радојка Хелман- Денковска, амбасадорот на Сојузна Република Германија, г-ѓа Анке Холштајн, нерезидентниот амбасадор на државата Израел, г-дин Дан Оријан, како и Фахри Хисени, координаторот на регионалниот проект на Куќата на Ана Франк од Амстердам “Историја-лекции за сегашноста” од Младински образовен форум од Скопје. 27 јануари е денот кога е ослободен злогласниот концентрационен логор Аушвиц – Биркенау и со резолуцијата на Обединетите Нации од 1 ноември 2005 година, е востановен како меѓународен ден на сеќавање на жртвите од холокаустот, кој Република Северна Македонија, како одговорен и почитуван член на меѓународната заедница, традиционално го одбележува веќе повеќе години.

Туристички дестинации

Кањон Матка, Скопје

Крушево

Широк Сокак, Битола